FAQ

Si: participando na Misión ALBA, cubrirás, dun xeito práctico e aplicado, moitos dos contidos esenciais que o currículo indica para os cursos de 5º e 6º. Na guía didáctica atoparás a correspondencia curricular entre o que se traballa en cada reto e o currículo da túa comunidade autónoma.

Na guía didáctica recóllese unha planificación detallada de sesións e a súa distribución temporal, estimada en 14 sesións lectivas de 50 minutos/1 hora.

Os dous son axeitados tanto para 5º como para 6º de primaria e son independentes: non cómpre facer un deles para realizar o outro. Se non participaches nunca na Misión ALBA, recomendámosche empezar polo primeiro, «Fai visible o invisible», co que cubrirás unha grande parte dos contidos do currículo de ciencias para esta etapa. O segundo ten un enfoque máis interdisciplinar, perfecto para quen xa fixo o primeiro ou teña ganas de traballar dun xeito máis transversal.

Coa guía didáctica, que ofrece unhas pautas moi detalladas, e a axuda dos programas de traballo, onde a proposta de experimentación está moi desagregada, calquera docente poderá realizar o proxecto sen atrancos. Así e todo, recomendamos revisar ben todos os materiais para familiarizarse cos conceptos e planificar axeitamente as sesións.

Cada equipo (grupo-clase) só pode participar nun reto por curso, pero se tes varios equipos, porque xestionas máis dunha clase, podes traballar un reto con un deles e outro reto co outro.

Envíase un sobre por equipo-clase. O sobre é un detalle que contén unha mostra dalgúns materiais necesarios para facer os experimentos da Misión, así como algunha outra sorpresa para o alumnado. O resto do material para facer a Misión, que é caseiro e doado de conseguir, vai a cargo dos centros escolares. Tampouco inclúe os impresos nin as fichas que traballará o alumnado en clase; estes pódense descargar unha vez dentro da plataforma.

Si: a través dos vídeos poderedes coñecer algunhas persoas que traballan en ALBA e a súa función nesta entidade. Do mesmo xeito, en novembro e maio, como inicio e peche oficiais do proxecto, ofreceranse conexións virtuais en directo co Sincrotrón, onde o alumnado poderá coñecer e facer preguntas a algúns dos membros de ALBA. Ademais, en cada laboratorio sortearase como premio unha videoconferencia coas persoas que vos guiaran nese experimento.

A Misión desenvolverase do octubro ao maio. Para cada un dos catro laboratorios suxírese un calendario, que está indicado na guía didáctica. Porén, cada grupo pode seguir o ritmo que desexe, malia que para participar nos sorteos de premios cómpre ter resolto cada laboratorio dentro do prazo fixado. 

A web de Misión ALBA e todos os materiais didácticos están dispoñibles en catalán, castelán, inglés, éuscaro e galego.
Con todo, os vídeos, formacións e conexións en directo realizaranse en castelán, xa que se farán simultaneamente para todas as escolas participantes.

Si. Dende o teu perfil de docente poderás crear varios equipos e asignar unha misión a cada un deles. Deste xeito, cada grupo-clase terá un espazo diferenciado na plataforma para seguir o seu propio percorrido.

Escribide a misionalba@cells.es e porémonos en contacto con vós para darvos apoio no que precisedes.

Non, a participación na Misión ALBA é totalmente de balde. O centro só deberá asumir o custo dos materiais necesarios para levar a cabo os experimentos. Todos os experimentos deseñáronse para que os materiais sexan doados de conseguir e económicos. Na guía didáctica atoparedes o seu custo aproximado.

Non. O teu usuario e contrasinal continúan vixentes. Podes entrar no teu perfil coma sempre. Lembra que se esqueciches o contrasinal podes restablecelo seguindo a ligazón que aparece na sección de rexistro. Se non lembras o correo co que te rexistraches daquela, envia a túa consulta a misionalba@cells.es.

Non. Aínda que un dos obxectivos do proxecto é ofrecer unha experiencia vivencial ao alumnado, desenvólvese totalmente a través da Internet.

Todos os alumnos participantes en Misión ALBA que rematen o proxecto recibirán unha pulsera de recordo e poderán participar na emisión en directo de YouTube co persoal do sincrotrón. Ademais, hai premios extra asociados aos laboratorios que se deciden por sorteo (videollamadas e camisetas do proxecto).